Самосюк Борис

Рәссам, график.

Өфөлә йәшәй һәм эшләй (Рәсәй, Башҡортостан Республикаһы).

1957 йылда тыуған.

Белеме: Башҡорт дәүләт педагогия университетының художество-графика факультеты (1979-1984).

1993 йылдан Рәсәй Рәссамдар союзы ағзаһы.

Түбәндәге күргәҙмәләрҙә ҡатнашҡан: Бөтә Рәсәй – 1983 йылдан, республика – 1985 йылдан, Бөтә Союз – 1987 йылдан, зона һәм төбәк – 1991 йылдан, Башҡортостан мәҙәниәте көндәре сиктәрендә Башҡортостандың хәҙерге һынлы сәнғәте күргәҙмәһе – 1997 (Мәскәү), сит илдәр – “Башҡортостан рәссамдары Польшала” – 1991 (Варшава, Польша), махсуслаштырылған – станок графикаһы биенналеһы – 1992 (Калининград), Урал баҫма графика триенналеһы – 1995, 1998 (Өфө), халыҡ-ара – 1993 – графика биенналеһы (Маастрихт, Голландия), 1994 – 25-се Халыҡ-ара экслибрис конгресы (Милан, Италия), 1995 графика күргәҙмәһе (Иокогама, Япония), 1997 графика сәнғәте триенналеһы (Битола, Македония Республикаһы), 2000, 2002 – «Алтын ҡауырһын» 41-се Халыҡ-ара иллюстрация күргәҙмәһе (Белград, Югославия), 2001, 2003 –графика биенналеһы (Варна, Болгария), 2003 –«Һыу» экслибрис конкурсы (Бодио Ломнаго, Италия).

Персональ күргәҙмәләр: 1991 – Өфө (БР Рәссамдар союзының бәләкәй залы), 2002 – Мәскәү (Үҙәк Рәссамдар йорто), 2003 – Өфө (Башҡорт дәүләт филармонияһы, “Лимузин” арт-галереяһы).

Картиналары ҡуйылған урындар: М.В. Нестеров исемендәге Башҡорт дәүләт художество музейы, Хәҙерге заман сәнғәте музейы (Мәскәү), Екатеринбург һынлы сәнғәт музейы, Ирбит дәүләт һынлы сәнғәт музейы, Дондағы-Ростов ҡалаһындағы Дәүләт художество музейы, Бельгия, Германия, Израиль, Италия, Канада, АҠШ, Рәсәй, Румыния, Украина, Франциялағы галереялар һәм шәхси тупланмалар.

“Тематикаһының етдилеге, образдарының эске йөкмәткеһе, эштәренең драматик-эмоциональ һуғарылышы – бына Борис Самосюк ижадының төп характеристикаһы. Рәссамдың ижады эҙмә-эҙ үҫешә. Һынлы сәнғәт мөмкинлектәре арсеналынан рәссам теманы, сюжетты, образды асып биреү өсөн кәрәкле эмоциональ йоғонто яһауға өлгәшерлек баҙыҡ саралар таба белә…”