Өфө ҡала округы хакимиәте башлығы Павел Качкаев өфөләргә мөрәжәғәт ҡабул итте, унда ул ҡала халҡынан ҡунаҡсыллыҡ күрһәтеүҙәрен һәм юбилейға арналған ҙур йәмәғәт саралары үткәреү менән бәйле ҡайһы бер уңайһыҙлыҡтарға аңлап ҡарауҙарын үтенә.

Башҡортостандың Рәсәй менән берҙәмлегенең 450 йыллыҡ юбилейы – республикабыҙ йәмәғәтселегенең иғтибар үҙәгендә. Рәсәй дәүләт социаль университетының Өфө филиалы директоры Рөстәм Әхмәҙинуров үҙ фекерҙәре менән уртаҡлаша.

Ҡурған өлкәһе башҡорттары ҡоролтайы башҡарма комитеты рәйесе Ғәлим Кәримов – ике төбәк араһындағы бәйләнештәр хаҡында.

"Әлбиттә, был ҙур тарихи ваҡиға“,  тип иҫәпләй БР Дәүләт Йыйылышы-Ҡоролтайҙың Мәғариф, фән, мәҙәниәт, спорт, туризм һәм йәштәр эштәре буйынса комитеты рәйесе Рафаил Мирсаев.

2007 йылда төп ваҡиға  Башҡортостандың үҙ ирке менән Рәсәйгә ҡушылыуының 450 йыллығы – республикабыҙ өсөн генә әһәмиәтле ваҡиға түгел. Мөһим тарихи дата  ғалимдар, сәйәсмәндәр, мәҙәниәт һәм сәнғәт эшмәкәрҙәренең иғтибар үҙәгендә.

РФ Дәүләт Думаһының Гражданлыҡ, енәйәт, арбитраж һәм процессуаль ҡануниәт буйынса комитет рәйесе Павел Крашенинников Башҡортостанды Рәсәйҙә лидер тип һанай.